شو مـرا!...

بـتـشوفها عم تعتني

بـ بيتها..

شو بتوقف وشو بتنحني

تغيـِّـر ديكور البيت

عا مرّ السـّـنة

مرّة ربيع تحطّ

مرّة خريف تزِتّ

عن جدّ..  شو هالشـّمس! شو هالسـِـتّ

ما بتتعب... بيتها وسع الدّني

هونيك مرّة عزمت الجيران

حـِملـت بإيدا شعاعها

وصارت

تفـوّر  الركوة

وبعد ما فارت

صار الضباب

بهالمدا هربان

وينتلوا فنجان

ورا  فنجان !

مشـّـو معي عا سوريا ولبنان

نشرب بـِ هالوديـان...

الحب
ركوة كوع عاباب العتيق
السهران
لجمام الصبح.. حدّ الطريق
وفي سروتين زغار حدّو
بيرقصو
وفي ضوّ شمعة
وصوت من وادي غميق
بيعربش عْلى الريح
متل من الحريق
طالع لسان النار.. من موقد غريق
وفي فوق منّو بس ركوة
وعاشقين
بحرين كل مابيلتقو بيخلق مضيق

**

أهلا بطنبوريت

عزيزتي سوزان

لقد تمّ إرسال هذه القصيدة بالبريد الإلكتروني. وما إن قرأت مرورك من هنا حتـّى شعرت بفرح كبير وقلت في نفسي ما أسعد حظـّي أنّ بريدي قد وصل...

شكراً لك يا صانعة الدّهشة والجمال

متل بقوة ليل

ما ضبّ كـلّ العـتـْـم بالنـّـسـيـان

**

مدهشة...مدهشة